पर्सा ११ र नेपाल आर्मीको जित

पर्सा ११ र नेपाल आर्मीको जित – प्रो क्लब च्याम्पियनसिपमा नेपाल पुलिस क्लबमाथि नेपाल आर्मीको सहज जित, पुलिस आठ विकेटले पराजित। पर्सा ११ बाट भारतको उत्तर प्रदेश वोन्डेर्स एक विकेटले पराजित । पर्सामा जारी प्रो. क्लब च्याम्पियनसिपमा पर्सा क्लब– ११ ले भारतको उत्तर प्रदेश क्लब– ११ माथि एक विकेटको रोमाञ्चक जित हात पारेको छ । पर्सामा जारी प्रो क्लब च्याम्पियनसिपअन्तर्गत आजको दोस्रो खेलमा नेपाल आर्मी क्लबले नेपाल पुलिस क्लबमाथि आठ विकेटको सानदार जित हासिल गरेको छ ।

प्रतियोगितामा नेपालका तीन विभागीय टिम नेपाल आर्मी, नेपाल पुलिस, एपिएफसहित पर्सा, भारतको उत्तर प्रदेश वोन्डेर्स क्लब नोयडा सहभागी छन् ।

नेपाल पुलिस क्लबमाथि नेपाल आर्मीको सहज जित (पर्सा ११ र नेपाल आर्मीको जित)

आर्मीको जितमा साहब आलमको उत्कृष्ट बलिङ प्रदर्शनको योगदान मुख्य रह्यो । आर्मीको तर्फबाट बलिङमा चम्किएका साहबलाई बसिर अहमदले दुई तथा कुशल मल्ल र अविनाश करणले एक–एक विकेट लिए ।

साहबले चार ओभरमा केवल चार रन दिएर तीन विकेट लिएपछि नेपाल पुलिस १८.४ ओभरमा ५८ रनमै अलआउट भएको थियो । जवाफमा ५९ रनको सहज लक्ष्य आर्मीले सातौँ ओभरको पहिलो बलमा दुई विकेटको क्षतिमा पूरा गर्‍याे ।

आर्मीका लागि रोहितकुमार पौडेलले १४ बलमा अविजित २१ रन बनाए भने ११ बलमा १४ रन बनाएका कप्तान विनोद भण्डारी पनि अविजित रहे ।

ओपनर अर्जुन साउद ६, दिलीप नाथ एक, कप्तान आरिफ सेख तीन, सुनील धमला दुई, सागर ढकाल एक तथा शेर मल्लले चार रन बनाए । शंकर राना र रसिद खान शून्य रनमा आउट भए ।

ओपनर सन्तोष कार्कीले ११ बलमै २० तथा कुशल मल्लले दुई बलमा दुई रन बनाए । पुलिसका ललित राजवंशी र शेर मल्लले एक–एक विकेट लिए । करण केसी र सागर ढकाल महँगो साबित भए । निकै कम रनको लक्ष्यमा करणले पहिलो ओभरमै १३ रन दिए भने दुई ओभर बलिङ गरेका सागरले १७ रन दिए ।

त्यसअघि करणले नै सर्वाधिक १५ रन बनाएपछि नेपाल पुलिसले अर्धशतक पूरा गरेको थियो । पुलिसका अमित श्रेष्ठले ११ रन बनाए भने अन्य कुनै पनि ब्याटरले दोहोरा अंक छुन सकेनन् ।

पर्सा ११ बाट भारतको उत्तर प्रदेश वोन्डेर्स एक विकेटले पराजित

पर्सामा जारी प्रो. क्लब च्याम्पियनसिपमा पर्सा क्लब– ११ ले भारतको उत्तर प्रदेश क्लब– ११ माथि एक विकेटको रोमाञ्चक जित हात पारेको छ ।

पर्साका लागि सन्दीप लामिछानेले चार ओभरमा एक मेडनसहित २९ रन खर्चेर तीन विकेट लिए । पवन सर्राफ, रञ्जितकुमार र रूपेश सिंहले दुई–दुई विकेट लिए ।

त्यसअघि नारायणी क्रिकेट ग्राउन्डमा टस हारेर पहिला ब्याटिङको निम्तो पाएको उत्तर प्रदेश–११ ले १६ ओभरमा सबै विकेट गुमाउँदै ६६ रन बनाएको थियो ।

उत्तर प्रदेशका लागि ठाकुर र जयदेव सिंहले समान १२–१२ रन बनाए । समिर अन्सारीले २२ बलमा दुई चौका र दुई छक्कासहित सर्वाधिक २४ रन बनाए ।

जितका लागि ६७ रनको सामान्य लक्ष्य पछ्याएको पर्साले १६.३ ओभरमा ९ विकेट गुमाउँदै लक्ष्य पूरा गर्‍याे ।

पर्साको जितमा अनिलकुमार साहले २१ बलमा दुई चौका र एक छक्कासहित सर्वाधिक १८ रन बनाए ।

पवन सर्राफ शून्य रनमा आउट भए भने सन्दीप लामिछानेले १२ रन बनाए । उत्तर प्रदेशका भीम शर्मा, ठाकुर कुमार र वाशी अन्सारीले समान दुई विकेट लिए ।

Also read, – Lions & Leo Club of Ganjbhawanipur Won the Tournament